televie-logo
Lancement Télévie 2027
Eng nei Saison, eng nei Etapp
Nierft dem Start vun der neier Saison gëtt och d'Relève vum neie Coordinateur Tommy Schlesser gefeiert
Update: 19.11.2026 12:40

Am Kader vun enger feierlecher Live-Sendung bei RTL gëtt den 20. November um 19:00 Auer dat neit Télévie-Joer ageleet. Mä dës Kéier gëtt net just de Start vun der neier Saison 2027 gefeiert, et steet och d'Relève vum neie Télévie- Coordinateur um Programm. No 11 Joer gëtt d'Diane Wunsch d'Fonctioun als Coordinatrice vum Télévie un den Tommy Schlesser weider, deen sech vun elo un ëm d'Organisatioun vum Télévie këmmert.

Dëst Joer konnten am ganzen 1.521.863 EURO fir d'Recherche géint de Kriibs gesammelt ginn. D'Centres de Promesses fir d'Télévie-Saison 2027 sinn d'Aerenzdallgemeng, Bartreng, Wëntger a Rodange.

De groussen Télévie-Dag ass de 17. Abrëll 2027.