An domadder huet sech d‘Gemeng engagéiert, fir iwwert ee Joer laang ëmmer nees Aktiounen ze starten, fir sou vill wéi méiglech Suen ze sammelen, déi dann an d‘Fuerschung géint de Kriibs ginn.
De Weekend war bei beschtem Wierder de groussen Télévie-Gala-Match um Futtballterrain zu Remerschen. Gespillt huet eng Promi-Ekipp vu Schengen géint déi fréier international Futtballspiller, also déi, déi an der Nationalekipp an der Zäit hiren Asaz haten.
D‘Stëmmung war vun Ufank u gutt, och wann een e bësse gebraucht huet, fir sech ze fannen an de béiden Ekippen, well déi meescht, déi stounge schonn eng gutt Zäitchen net méi um Terrain. Dorënner fréier Nationalspiller, wéi Jeff Strasser, Manuel Cardoni, Marc Oberweis a nach vill méi. E gelongene Mëtte mat enger weiderer Zomm, déi da bei de Montant wäert mat erafléissen, deen de 26. Abrëll um groussen Télévie-Dag live annoncéiert gëtt.
